Ribosoom

Ribosome kom onder ʼn transmissie-elektronmikroskoop as 'n klein korreltjie voor. Verdere analise het getoon dat die organelle uit 'n groot en 'n klein subeenheid bestaan en dat albei eenhede van ribosomale RNS en proteïene vervaardig is. Eukariotiese ribosome is groter as die van prokariote en dit verskil ook van die ribosome wat in mitochondria en plastiede aangetref word.

Ribosome speel 'n belangrike rol tydens proteïensintese, hoewel die presiese besonderhede hiervan nie bekend is nie. Die organelle is definitief die plek van proteïensintese. Hulle kan op die endoplasmatiese membrane of in die sitoplasma in assosiasie met die mikro-traberkulêre stelsel voorkom. Die wat in die sitoplasma voorkom, kan 61 individueel 61 in groepe, die polisome, aangetref word. Groot getalle ribosome word gevind in sel le wat baie proteïene vervaardig en hulle is algemeen in die pankreas, ander spysverteringselle en senuweeselle.